November 12, 2015

Lyrics

jaise suraj ki garmi se jalate hue tan ko
mil jaaye taruvar ki chhaayaa
aisaa hi sukh mere man ko milaa hai
mai jabase sharan teri aayaa, mere raam

bhatakaa huaa meraa man thaa koi
mil naa rahaa thaa sahaaraa
laharo se ladati hui naav ko
jaise mil naa rahaa ho kinaaraa, mil naa rahaa ho kinaaraa
us ladakhadaati hui naav ko jo
kisi ne kinaaraa dikhaayaa
aisaa hi sukh

shital bane aag chadan ke jaisi
raaghav kr^ipaa ho jo teri
ujiyaali punam ki ho jaae raate
jo thi amaavas adheri, jo thi amaavas adheri
yug-yug se pyaasi marubhumi ne
jaise saavan kaa sades paayaa
aisaa hi sukh

jis raah ki mazil teraa milan ho
us par kadam mai badhaau
phulo me khaaro me, patajhad bahaaro me
mai na kabhi dagamagaau, mai na kabhi dagamagaau
paani ke pyaase ko taqadir ne
jaise ji bhar ke amr^it pilaayaa
aisaa hi sukh

Show moreShow less